რესურსის სახელწოდება: ,,შეამოწმე შენი ცოდნა“
რესურსის სახელწოდება: ტესტები “ჩემი ცოდნა XIX საუკუნის ქართულ მწერლობაზე“
კლასი: მაღალი საფეხური.
საგანი : ქართული
მასწავლებელი: მზია სიხარულიძე
თარიღი: 22. 03.2018
რესურსის
დამზადების ინსტრუქცია
რესურსის დასამზადებლად
გამოვიყენე ცოდნა, რომელიც მომცა ტრენინგმა სახელწოდებით ,, საკომუნიკაციო ტექნოლოგიების
გამოყენება საგაკვეთილო პროცესში„ წინასწარ
მოვამზადე კითხვები, რომლებიც განვათავზე ე.წ.
“ვის უნდა ოციათასის“ ფორმატში.
რეფლექსია
რესურსის გამოყენება
თვალსაჩინო მასალის გამოყენებას დიდი მნიშვნელობა
აქვს ყველა საფეხურზე. ვიზუალური მასალის გამოყენებით
მოსწავლეები უფრო კარგად აღიქვამენ, იმახსოვრებენ და განიმტკიცებენ ცოდნას. ჩემ მიერ შექმნილი რესურსის
მიხედვით მოსწავლე მიაწკაპებს წარმოდგენილი სურათიდან ერთ-ერთს, შემდეგ აირჩევს მისთვის
სასურველ პასუხს, მცდარი პასუხის შემთხვევაში
პასუხი წითლდება. მოსწავლე ტესტის დასრულებისთანავე იგებს მიღებული ქულების რაოდენობას.
პარალელურად, მასწავლებელიც იგებს მოსწავლის შეფასებას. წარმოდგენილი რესურსი მოსწავლეებისათვის
ახალი და მეტად სახალისო იყო. გაკვეთილზე გაიზარდა ჩართულობის მოტივაცია. დავრწმუნდი,
რომ მოსწავლეები ეფექტურად და ხარისხიანად ეუფლებიან ახალ ცოდნას საინტერესო რესურსებისა
თუ თვალსაჩინოების გამოყენებით.
აღნიშნული რესურსი შევადგინე
ესგ-ის X-XI, XII კლასების ქართული ენისა
და ლიტერატურის სტანდარტიდან.
მიმართულება: ცოდნაზე დაფუძნებული ვიზუალური აღქმისა და შემოქმედებითი
უნარების გაუმჯობესება.
რესურსის უპირატესობა
არის ის, რომ ის შემსწავლელ ხასიათს ატარებს. მოსწავლეებს არ ეზარებათ მისი შესრულება.
პირველი იმიტომ, რომ არ არის მომქანცველი, მეორე კი ის, რომ მოსწავლეებს უყვართ კომპიუტერთან
მუშაობა.
რესურსის გამოყენების პროცესში პრობლემები არ შექმნილა, პირიქით მისი გამოყენების
დროს დავინახე მოსწავლეთა დაინტერესება და აქტიური ჩართულობა საგაკვეთილო პროცესში
და მოტივირება. მრავალფუნქციური და მრავალჯერადი რესურსის გამოყენებით კიდევ ერთხელ დავრწმუნდი, რომ მრავალფეროვანი
თვალსაჩინოება უზრუნველყოფს სასწავლო მასალის
უკეთ ათვისებას.
Комментариев нет:
Отправить комментарий